Ադրբեջանի իշխանություններին չի հաջողվում տեղայնացնել 2023 թվականի սեպտեմբերին Բաքվի վերահսկողության տակ անցած շրջաններում ծագած անտառային հրդեհները։ Այս մասին հաղորդում են ադրբեջանական աղբյուրները՝ նշելով, որ Մարտակերտի (ադրբեջանական վարկածով՝ Աղդերե) և Աղդամի շրջաններում նախօրեին ծագած հրդեհների դեմ պայքարում երկու ուղղաթիռ է ներգրավվել։
Ըստ APA գործակալության՝ հրդեհների հիմնական օջախները Մարտակերտի շրջանի Սրխավենդ և Աղդամի շրջանի Յենի Ղարալար ու Էլիաղալի գյուղերի մերձակայքում են։
«Հրդեհաշիջման աշխատանքներին խոչընդոտում են բարդ ռելիեֆը և ուժեղ քամին», - հայտարարել են Ադրբեջանի Արտակարգ իրավիճակների նախարարությունում։
